"Батан ауылының орта мектебінің" ашылу рәсімі
      Қазақ халқы ертеден-ақ білімді де сауатты болуға ұмтылған. Әрбір ата- ана баласының білімді болуын қалайды.Білім беру жүйесі қоғамның әлеуметтік – экономикалық дамуында жетеші рөл атқарады. Қазақстанды дамыған 50- елдің қатарына жеткізетін, терезесін тең ететін- білім. Тәуелсіздік алғаннан кейінгі жылдар елімізде көптеген мектептердің іргетасы қаланып, пайдалануға берілді.

      Мектеп – жастардың талантын шыңдап, даналардың түлеп ұшар тұғыры. Ұлттың рухани байлығы – білімінде болса, ұстанар бағыты — тәрбиесінде. Ал, білімнің сарқылмас «көзі» — мектепте!

2021 жылы Алматы облысы, Қарасай ауданына қарасты Батан ауылында алғаш рет жаңа мектеп  өз шәкірттеріне есігін айқара ашты. Бұл ұзақ жылғы халықтың арманы еді. Мектептің іргетасы қаланған күннен бастап, жергілікті тұрғындардың қуанышында шек болмады. 2021 жылдың 1 қыркүйегінен бастап, екі тілде білім беру мектебі мәртебесіне ие болды. Қазіргі заман талаптарына сай материалды-техникалық базамен, заманауи пән кабинеттерімен қамтамасыз етіліп, әр кабинет техникалық құралдар, компьютерлер, интерактивті тақталармен толықтырылған. Оған қоса, арнайы жабдықталған: химия, физика, информатика, шеберхана, спортзалда бар. Осы ретте біршама мұғалімдер жұмыспен қамтылды. Білім мен тәрбие егіз-ұғым.Сол білімді, тәрбиені ұрпақ бойына сіңіретін- ұстаз. Осы ашылған білім ордасынан еліне қызмет етер саналы да, білімді ұрпақ қанат қағып ұша бергей......